यवतमाळ – वटबोरीवरून यवतमाळकडे येणाºया दुचाकीला अज्ञात वाहनाने धडक दिल्याने एक जण ठार तर एक जण जखमी झाला. आज सोमवारी सायंकाळी ६.४५ वाजता जोडमोहा नजीक हा अपघात झाला.
सुनिल गुणवंत गुल्हाणे (४५) रा. जामनकर नगर, यवतमाळ असे मृतकाचे नाव आहे. तर माणिक सुरपाम (४०) हे जखमी झाले. गुल्हाणे यांची वटबोरी येथे शेती असून ते दररोज ये-जा करीत होते. दरम्यान आज सायंकाळी ते एम.एच. २९ / वाय ५१६० क्रमांकाच्या दुचाकीने यवतमाळकडे परत जात होते. अशातच जोडमोहा जवळ अज्ञात वाहनाने दुचाकीला धडक दिल्याने हा अपघात झाला. या घटनेची माहिती मिळताच ग्रामीण पोलिसांनी घटनास्थ गाठून पंचनामा करून मृतदेह शवविच्छेदनासाठी शासकीय रुग्णालयात पाठविला. तर जखमी सुरपाम याच्यावर शासकीय रुग्णालयात उपचार सुरु आहे. ग्रामीण पोलिसांनी अज्ञात वाहन चालकाविरूद्घ गुन्हा दाखल केला असून तपास सुरु आहे. या घटनेची माहिती मिळताच जामणकर नगरात शोककळा पसरली होती.
अज्ञात वाहनाच्या धडकेत एक ठार
Join us on social media
|
|
|
 |
जाहिरात
Copyright © 2026.