मुंबई – प्रेक्षकांमध्ये प्रचंड लोकप्रिय असलेल्या झी मराठी वाहिनीवरील ‘जय मल्हार’ या मालिकेत हेगडी प्रधान यांची भूमिका साकारणारे अतुल अभ्यंकर यांचे बुधवारी पहाटे हृदय विकाराच्या तीव्र झटक्याने निधन झाले. ते ४२ वर्षांचे होते.
अभ्यंकर यांची जय मल्हारमधील हेगडी प्रधान ही भूमिका विशेष गाजली होती. आपल्या सहज सुंदर अभिनयाने त्यांनी प्रेक्षकांची मने जिंकून घेतली. त्यांच्या या भूमिकेसाठी या मालिकेतील भूमिकेसाठी त्यांना नुकताच झी मराठी अॅवॉर्डस्२०१४ चा सर्वोत्कृष्ट पुरुष व्यक्तिरेखेचा पुरस्कार मिळाला होता.
त्यांच्यावर आज दुपारी साडेतीन वाजता शिवाजी पार्क येथील स्मशानभूमित अंत्यसंस्कार करण्यात आले. अभ्यंकर यांच्या अकाली निधनाने मराठी मालिकाविश्वावर शोककळा पसरली आहे.
Copyright © 2026.