
नवी दिल्लीः लोकसभा निवडणुका आणि त्यानंतरच्या विधानसभा निवडणुकांमध्ये पिछेहाट झाल्याच्या पार्श्वभूमीवर काँग्रेसमध्ये फेरबदल होऊ घातले असून, त्याची सुरुवात म्हणून युवक काँग्रेसच्या अध्यक्षपदावरून खासदार राजीव सातव यांना हटवून पंजाबमधील आमदार अमरिंदर राजा ब्रार यांची गुरुवारी नियुक्ती करण्यात आली. महाराष्ट्रातील हिंगोणीचे प्रतिनिधीत्व करणाऱ्या सातव यांचा अध्यक्षपदाचा कार्यकाळ पूर्वीच संपला असून, पक्षाध्यक्ष सोनिया गांधी यांनी त्यांच्या फेरनियुक्तीस नकार दिल्याचे सांगण्यात आले.









