यवतमाळ, दि. २३ – वणी येथील आदिवासी मुलाच्या शासकीय वसतिगृहात अनेक समस्या भेडसावत असून त्याना अडचणीचा सामना करावा लागत आहे. त्यामुळे संतप्त विद्यार्थ्यांनी पांढरकवडा येथील आदिवासी प्रकल्प अधिकारी कार्यालयावर धडक दिली.
वणी येथील आदिवासी मुलांचे वसतिगृहामध्ये विद्यार्थ्यांना खोलीत कोंबुन राहावे लागत आहे. पिण्यासाठी शुध्द पिण्याचा पाण्याचा पुरवठा होत नाही. त्यामुळे विद्यार्थ्यांना विकत पाणी आणून तहान भागवावी लागत आहे. त्यामुळे विद्यार्थ्यांनी वसतिगृहाची स्वतंत्र्य इमारत उभारावी, ग्रंथालयाची इमारत सुसज्ज व्हावी, संगाकाची व्यवस्था करावी, चौकीदराची नियुक्ती करावी, खेळाचे साहित्य मिळावे, निर्वाह भत्ता नियमित मिळावा यासह विविध मागण्यासाठी १२ सप्टेबर रोजी विद्यार्थ्यांनी आंदोलन केले होते. त्यावेळी सहाय्यक प्रकल्प अधिकारी पेढेकर यानी लेखीस्वरुपात समस्या निकाली काढण्याचे आश्वासन दिले होते. मात्र तीन महिन्यानंतरही समस्या जैसे थे असल्याने विद्यार्थ्यांनी पांढरकवडा येथील आदिवासी प्रकल्प अधिकारी कार्यालयावर धडक देऊन समस्याचा पाढा वाचला. वसतिगृहातील समस्या न सोडविल्यास तीव्र आंदोलन करण्याचा इशारा दिला आहे.