यवतमाळ : महाराष्ट्र राज्य सहकारी कापूस उत्पादक पणन महासंघाच्यावतीने आज पासून जिल्ह्यातील काही केंद्रावर आधारभूत दरानुसार कापूस खरेदीस प्रारंभ करण्यात आला आहे. शेतकऱ्यांनी आधारभूत योजनेअंतर्गत विक्री करीता आणावा, असे आवाहन करण्यात आले आहे.
आज महासंघाच्यावतीने 27 केंद्रावर खरेदीचा शुभारंभ करण्यात आला आहे. दुसऱ्या व तिसऱ्या टप्यात आणखी 73 केंद्र उघडणे प्रस्तावीत आहे. अशी एकूण 100 खरेदी केंद्र सुरु करण्यात आलेले आहे. कापसाची खरेदी शासनाच्या एफएक्यू नॉर्म्स प्रमाणे राहणार आहे. कापसाची आद्रता 12 टक्याच्या वर असल्यास कापूस स्विकारला जाणार नाही. शेतकऱ्यांना कापसाची रक्कम तिन दिवसांच्या आत अदा केली जाणार आहे. कापसाचे दर एलआरए 5166 जातीला 3850 रुपये, एच 4/एच6 जातीला 3950 तर बन्नी / ब्रम्हा जातीला 4050रु. इतका भाव केंद्र शासनाने जाहिर केल्या प्रमाणे देण्यात येणार आहे. शेतकऱ्यांनी कापूस विक्रीस आणतेवेळी सातबारा सोबत आणावा. असे कापूस पणन महासंघाच्या विभागीय व्यवस्थापकांनी कळविले आहे.