नवी दिल्ली – आम आदमी पक्षाने बिहारच्या पटनासाहिबमधुन संयुक्त जनता दलाच्या माजी मंत्री परवीन अमानुल्ला यांना उमेदवारी दिली आहे. त्यांचा थेट सामना बॉलिवूड अभिनेते आणि भाजपचे विद्यमान खासदार शत्रुघ्न सिन्हा यांच्याशी होणार आहे.
आपने बुधवारी रात्री आठवी यादी जाहीर केली. या यादीत सहा राज्यातील १९ लोकसभा मतदारसंघासाठी उमेदवार जाहीर करण्यात आले आहेत. यात महाराष्ट्रातील लातूर आणि कोल्हापूर या दोन मतदारसंघांचा समावेश आहे. आपने बिहारमधुन पाच, झारखंडमधुन सात, मध्यप्रदेशमधुन एक, केरळ, जम्मू-काश्मीर आणि महाराष्ट्रामधुन प्रत्येकी दोन उमेदवार जाहीर केले आहेत. आपने आतापर्यंत २८७ उमेदवार जाहीर केले आहेत.परवीन अमानुल्ला या नितीश कुमार यांच्या सरकारमध्ये सामाजिक कल्याण मंत्री होत्या. बिहारमधल्या प्रभावी मुस्लिम नेत्यांमध्ये त्यांचा समावेश होतो. यावर्षी फेब्रवारी महिन्यात मंत्रीपदाचा राजीनामा देऊन त्या जदयूमधुन बाहेर पडल्या होत्या.
‘आप’ची आठवी यादी जाहीर
Join us on social media
|
|
|
 |
जाहिरात
Copyright © 2026.