यवतमाळ, दि. ६ – जिल्ह्यात अनेक व्यावसायिक, सराफा व्यावसायिक, बिल्डराकडून आयकर वाचविण्याचे प्रमाण वाढत आहे. त्यामुळे आयकर विभागाच्या पथकाकडून सर्च मोहीम राबविण्यात येते. गुरुवार पासून पुसद येथे आयकर विभागाच्या पथकाने सर्च मोहीम सुरू केली असून कापड व्यावसायीकांसह सराफा व्यापाºयामध्ये खळबळ उडाली आहे.
कापड, सराफा, फर्निचर यासह विविध व्यावसायिकांद्वारे दैनंदिन व्यवसाय कमी दाखवून आयकर वाचविण्याचा प्रयत्न केला जातो. त्यावर आयकर विभागाची करडी नजर असते. मात्र व्यावसायिक स्पर्धेतूनही बरेचदा तक्रारी केल्या जातात. बाजारपेठेत गर्दी असल्याची नेमकी संधी साधून आयकर विभागानेही कारवायांचा सपाटा लावला आहे. नागपूर येथील आयकर विभागाचे उपायुक्ताच्या मार्गदर्शनाखाली गुरुवार आणि शुक्रवारी पुसद शहरातील अनेक दुकानामध्ये सर्च मोहीम राबविली. पुसद येथील सुभाष चौक आणि डॉ. आंबेडकर चौकातील दुकानामध्ये सर्च करून बिले, कागदपत्राची तपासणी केली. या सर्च मोहीमेमुळे शहरातील कापड , सराफासह इतर व्यापाºयांचे धाबे दणाणले आहे.