नवी दिल्ली – निवृत्त न्यायाधीश मुकूल मुदगल समितीने सादर केलेल्या आयपीएल स्पॉट फिक्सिंग आणि सट्टेबाजीच्या चौकशी अहवालातील नावे शुक्रवारी सर्वोच्च न्यायालयाने उघड केली.
आयसीसी आणि बीसीसीआयचे अध्यक्ष एन.श्रीनिवासन, त्यांचा जावई गुरुनाथ मय्यपन, शिल्पा शेट्टीचा नवरा आणि राजस्थान रॉयल्सचा सहमालक राज कुंद्रा, आयपीएलचे सीईओ सुंदर रमन यांची नावे या अहवालात आहेत.त्याशिवाय भारताचा अष्टपैलू क्रिकेटपटू स्टुअर्ट बिन्नी, वेस्ट इंडिजचा फिरकी गोलंदाज सॅम्युल बद्री, इंग्लंडचा माजी फलंदाज ओवेस शहा या क्रिकेटपटूंची नावेही या चौकशी अहवालात आहेत.ज्यांची नावे जाहीर झाली आहेत त्यांना आक्षेप असल्यास त्यांना चार दिवसांच्या आत सर्वोच्च न्यायालयात आक्षेप नोंदवावा लागणार आहे. हे सर्व मुद्दे निकालात निघत नाहीत तो पर्यंत निवडणूका घेऊ नका असे सर्वोच्च न्यायालयाने बीसीसीआयला सांगितले. या अहवालातील अजूनही सहा नावे उघड झालेली नाहीत. यावर पुढील सुनावणी २४ नोव्हेंबरला होणार आहे.