यवतमाळ – भरधाव दुचाकीस्वारास वाचविण्याच्या प्रयत्नात आ. विजय खडसे यांच्या वाहनाला आज रविवारी सायंकाळी पाच वाजता वन तपासणी नाक्यासमोर अपघात झाला. यामध्ये माजी युवक काँग्रेसचे अध्यक्ष जागीच ठार झाले असून आमदारासह चार जण जखमी झाले.
आ. विजय खडसे हे आपल्या कार्यकर्त्यांसह स्कार्पीओ वाहनाने (एम.एच. १४/ ४३०५ ) नांदेड येथे जात होते. अशातच शहरापासून दीड किमी अंतरावर वन तपासणी नाक्यासमोरून येणाºया दुचाकीस्वाराला वाचविण्याच्या प्रयत्नात चालक आहुटे यांचा गाडीवरून ताबा सुटला. त्यामुळे स्लीप झालेले वाहन पलट्या खावून १०० फूट फरफटत गेले. यामध्ये माजी युवक काँग्रेसचे अध्यक्ष डॉ. दशरथ वानखेडे (४०) रा. सुकळी हे जागीच ठार झाले. तर उमरखेड विधानसभा क्षेत्राचे आ. विजय खडसे, सामाजिक कार्यकर्ते संतोष गवळे (३०), युवक काँग्रेसचे सचिव शिवाजी वानखेडे, त्यांची आई गोदावरी वानखेडे (७२) आदी चार जण जखमी झाले. त्यांच्यावर नांदेड येथील रुग्णालयात उपचार सुरू आहे. तसेच या अपघातात एम. एच. २९ / ए.एफ. १६५४ क्रमांकाची मोटारसायकल चकनाचूर झाली असून, अन्य चार दुचाकी क्षतिग्रस्त झाल्या. या घटनेची माहिती मिळताच शहरातील नागरिकांनी घटनास्थळ व रुग्णालयात गर्दी केली होती.