यवतमाळ – यवतमाळसह वर्धा शहरातून दुचाकी चोरणाºया चोरट्याला जिल्हा पोलीस अधीक्षकांच्या विशेष पथकाने आज वणीतून अटक केली. शेख रिजवान उर्फ टोनू अब्दूल रज्जाक (२०)रा. हलबीपुरा कळंब असे अटक करण्यात आलेल्या चोरट्याचे नाव आहे. सदर युवक कळंब येथून यवतमाळ, वर्धेमध्ये यायचा वाहनधारकांवर पाळत ठेवून दुचाकी लाबवयाचा. शहरात गत महिन्यात अनेक दुचाकी चोरीच्या घटना घडल्या आहे. दुचाकी चोरटा वणीत असल्याची ‘टिप’ विशेष पथकाला मिळाली. त्यावरून पथक दोन दिवसापासून त्याच्या मागावर होते. अखेर आज चोरटा पथकाला आढळून येताच शिताफीने त्याला अटक करण्यात आली. त्याच्याकडून आठ दुचाकी जप्त करण्यात आल्या असून, किंमत अडीज लाख रुपये आहे. शासकीय रुग्णालयातून २, न्यायालय परिसर १ व वर्धा येथून २ अशा पाच दुचाकी चोरल्याची कबुली पोलिसांना दिली. त्याच्याकडून पुन्हा काही चोरीच्या घटना उघडकीस येण्याची शक्यता पोलीस सूत्राने वर्तविली आहे. तसेच ज्यांनी त्याच्याकडून चोरीच्या दुचाकी खरेदी केल्या त्यांचाही तपास सुरू आहे. ही कारवाई स्थानिक गुन्हे शाखेचे पोलीस निरीक्षक शिवाजी बचाटे यांच्या मार्गदर्शनाखाली विशेष पथकाचे साहाय्यक पोलीस निरीक्षक राजू वटाणे, साहाय्यक पोलीस निरीक्षक विजय डगले,ऋृषी ठाकूर, गजानन डोंगरे, विशाल भगत, प्रदीप नाईकवाडे, हरिष राऊत, गणेश देवतळे यांनी केली.