यवतमाळ – परवानगी संपल्यानंतर रॅली काढून आदर्श आचारसंहितेचा भंग केल्याचा ठपका ठेवत काँग्रेसचे जिल्हा सरचिटणीस अशोक बोबडे यांच्याविरुद्घ वडगाव रोड पोलिसांनी गुन्हा दाखल केला. भारतीय राष्टÑीय काँग्रेस पार्टीचे यवतमाळ-वाशीम लोकसभा मतदार संघाचे उमेदवार अॅड. शिवाजीराव मोघे यांच्या प्रचारार्थ ८ एप्रिल रोजी मोटर सायकल रॅली काढण्यात आली होती. जिल्हा काँग्रेस कमिटीचे सरचिटणीस अशोक अमृत बोबडे रा. दर्डा नगर यांनी रितसर परवानगी घेतली होती. मात्र वेळ संपल्यानंतर आयोजकांनी रॅली काढून दुसºयाच मार्गाने फिरविली. यावेळी निवडणूक विभागाच्या पथकाने व्हिडीओ चित्रिकरण केले होते. त्यामध्ये आयोजकांनी आदर्श आचारसंहितेचा भंग केल्याचे दिसून आले. याप्रकरणी नायब तहसीलदार अरुण भगत यांनी वडगाव रोड पोलिस ठाण्यात तक्रार दिली. त्यावरुन पोलिसांनी बोबडे यांच्याविरुद्घ कलम १७१, १८८ अंतर्गत गुन्हा दाखल केला.
Copyright © 2026.