यवतमाळ (दि. १३ मार्च) – धामणगाव मार्गावरील मोहा फाटा येथे जाणारी अवैध देशीदारु व कार उपविभागीय पोलीस अधिकाºयांच्या पथकाने बुधवारी रात्री १०.३० वा. जप्त करून एका आरोपीला अटक केली. अक्षय रमेश जयस्वाल (३०) रा. मोहा फाटा पुनर्वसन असे आरोपीचे नाव आहे. अक्षयने अप्सरा टॉकीज जवळील मेट्रो वाईन्समधून १९ पेट्या देशी दारु विकत घेतल्या. त्यानंतर अवैधपने देशी दारुच्या पेट्या घेऊन कारने(एम.एच.२६ / सि ३८३९) मोह्याकडे जात होता. याबाबतची गुप्त माहिती यवतमाळचे उपविभागीय पोलीस अधिकाºयांच्या पथकाला मिळाली. त्यावरून पथकाने रात्री ११.३० वाजता लकडगंज जवळ सदर कार अडवून झडती घेतली. त्यामध्ये ३० हजार रुपयाची दारु आढळल्याने कार, देशी दारु जप्त करून अक्षयला अटक केली. तसेच मेट्रो वाईन्सच्या मालकाविरूद्घ गुन्हा दाखल केला. ही कारवाई उपविभागीय पोलीस अधिकारी राहुल मदणे, जमा. राहुल मनवर, इकबाल शेख, तुषार नेवारे, संतोष मडावी, प्रमोद मडावी, विजय जाधव, वसीम शेख यांनी केली.
Join us on social media
|
|
|
 |
जाहिरात
Copyright © 2026.