हैदराबाद – तेलंगणमधील मेबबूबनगरमध्ये दोन कारमध्ये समोरासमोर धडक होऊन झालेल्या भीषण अपघातात सात जण ठार तर चार जण गंभीररीत्या जखमी झाले आहेत. मृतांची अद्याप ओळख पटलेली नसून दोन कारपैकी एक कार महाराष्ट्र पासिंगची होती, असे पोलिसांनी सांगितले.
कोमिरेड्डीपल्लीपासून जवळच राष्ट्रीय महामार्ग क्र. ४४ वर आज सकाळी हा अपघात झाला. महाराष्ट्रातील रजिस्ट्रेशन असलेल्या कारने दुभाजक ओलांडून समोरून येणाऱ्या कारला धडक दिली. या अपघातात जागीच सात जण ठार झाले. अपघाताची माहिती मिळाल्यानंतर वानपर्थीचे पोलीस उपअधिक्षक जोगुला चेन्नया यांनी घटनास्थळी भेट दिली असून अपघातात ठार झालेल्यांपैकी सहा जण महाराष्ट्रातील गाडीतून प्रवास करत होते. त्यांची ओळख अद्याप पटलेली नाही. जे चार जण अपघातात जखमी झाले आहेत त्यांची प्रकृतीही चिंताजनक असून त्यांना जवळच्याच रुग्णायलात दाखल करण्यात आले आहे, असे जोगुला यांनी सांगितले.
कार अपघातात सात ठार, ४ जखमी
Join us on social media
|
|
|
 |
जाहिरात
Copyright © 2026.