यवतमाळ, दि. १८ – राज्याचे माजी मुख्यमंत्री कै. वसंतराव नाईक यांच्या जयंतीनिमित्त जिल्ह्यात साजऱ्या झालेल्या कृषी दिनाच्या विविध कार्यक्रमांसह कृषी सप्ताहातील कार्यक्रमांवर आधारित विशेष माहितीपटाचे प्रसारण डीडी सह्याद्री मराठी वाहिनीवरून उद्या दि. १९ जुलै रोजी होणार आहे. सायंकाळी ७.१५ ते ७.३० या वेळात हा माहितीपट प्रसारित करण्यात येणार आहे. माहितीपटात कृषी दिनानिमित्त पालकमंत्री संजय राठोड यांनी इचोरी येथे शेतात केलेल्या पेरणी व श्रमदानासह, वैद्यकीय महाविद्यालयास कै. वसंतराव नाईक यांचा पुतळा भेट देण्याचा कार्यक्रम तसेच कृषी विभागाच्या वतीने आयोजित कृषी प्रदर्शनासंदर्भात माहिती दाखविण्यात येणार आहे. दूरदर्शनचे प्रतिनिधी आनंद कसंबे यांनी या माहितीपटाचे चित्रिकरण करून निर्मिती केली आहे.
Copyright © 2026.