मुंबई – पंतप्रधान नरेंद्र मोदी यांनी अमेरिकेच्या दौऱ्यात न्यू यॉर्कच्या मॅडिसन स्क्वेअर गार्डन येथे केलेल्या भाषणाचा भाजप निवडणूक प्रचारासाठी वापर करत असल्याची तक्रार कॉंग्रेसतर्फे निवडणूक आयोगाकडे करण्यात आली आहे. पंतप्रधानांच्या शासकीय दौऱ्यातील भाषणाचा निवडणूक प्रचारासाठी वापर करत असल्याबद्दल आक्षेप घेत ही तक्रार करण्यात आली असल्याची माहिती कॉंग्रेसमधील सूत्रांनी दिली. प्रदेश कॉंग्रेसने राज्य तसंच केंद्रीय निवडणूक आयोगाकडे ही तक्रार दाखल केली आहे.
पंतप्रधान नरेंद्र मोदी यांनी न्यू यॉर्कच्या मॅडिसन स्क्वेअरवर केलेलं भाषण सध्या विविध न्यूज चॅनेल्सवर दाखविण्यात येत आहे. भाजपतर्फे अशा प्रकारची जाहिरात देण्यात आलेली आहे. लोकसभेत विविध नेत्यांनी केलेली भाषणं निवडणूक काळात प्रचारादरम्यान दाखविण्यावर बंदी असताना शासकीय दौऱ्यातील पंतप्रधानांच्या भाषण दाखविण्यावर कॉंग्रेसने आक्षेप घेतला आहे.
कॉंग्रेसची भाजपविरुद्ध आयोगात तक्रार
Join us on social media
|
|
|
 |
जाहिरात
Copyright © 2026.