बाभूळगाव दि. १२ – तालुक्यातील दाभा शिवारात इसमाचा खून करणाºया दोन आरोपींना पोलिसांनी मोठ्या शिताफीने अटक केली.
श्रीकृष्ण गोविंदराव भडके (५५), सुरेश बालाजी मेश्राम (६०) दोन्ही रा. दाभा अशी आरोपींची नावे आहे. नववर्षाच्या पहाटेला दाभा शिवारात धामक फाट्यालगत सुभाष नामदेव पवार (४५) रा. यरड ता. नेर या इसमाचा खून झाला होता. या इसमाचा मृतदेह रस्त्याच्या कडेला टाकून असल्याचे ग्रामस्थांच्या निदर्शनात आले होते. या प्रकरणी बाभुळगाव पोलिस स्टेशनमध्ये मृतकाची आई कौसल्या नामदेव पवार यांनी दिलेल्या तक्रारीवरून पोलिसांनी आरोपीविरूद्घ गुन्हा दाखल केला होता. दरम्यान आज सोमवारी या प्रकरणी संशयित दोन आरोपींना विविध ठिकाणाहुन अटक केली.यातील श्रीकृष्ण याला दारव्हा येथून तर सुरेश याला राहत्या घरून अटक करण्यात आली. या संशयितांचे खुनाच्या चार दिवसांआधी मृतकासोबत क्षुल्लक कारणावरून भांडण झाले होते. याचा धागा पकडून पोलिसांनी दोघांनाही ताब्यात घेतले आहे. पुढील तपास पोलिस करीत आहे.