गडचिरोली (पीटीआय) – गडचिरोली जिल्ह्यात नक्षलवाद्यांनी रविवारी घडवून आणलेल्या भूसुरुंग स्फोटात सात जवान शहीद झाले. तर दोन जवान जखमी झाले आहेत.
सकाळी सुमारे पावणेदहाच्या सुमारास हा हल्ला झाला. जिल्ह्यातील चार्मोशी तालुक्यातील मुरमुरीजवळ नक्षलवाद्यांनी भूसुरुंगाच्या सहाय्याने नक्षलवाद विरोधी पथकाच्या पोलिसांच्या गाडीवर हल्ला केला. या हल्ल्यात सात पोलिस जवान शहीद झाले. तर दोन जवान जखमी झाल्याची माहिती वरिष्ठ पोलिस अधिका-यांनी दिली.
पोलिस पथक घटनास्थळी रवाना झाले असून जखमींना जवळच्या रुग्णालयात उपाचारासाठी दाखल करण्यात आले आहे.भूसुरुंग स्फोट झाल्यानंतर नक्षलवादी आणि जवान यांच्यात चकमक सुरु आहे.
गडचिरोलीत नक्षलवादी हल्ला, सात जवान शहीद
Join us on social media
|
|
|
 |
जाहिरात
Copyright © 2026.