यवतमाळ, दि. २७ : यवतमाळ ग्रंथोत्सवानिमित्त दिनांक 31 जानेवारी रोजी सायंकाळी 6 वाजता जेष्ठ साहित्यिक तथा महाराष्ट्र राज्य मराठी विश्वकोश निर्मिती मंडळाच्या अध्यक्षा डॉ.विजया वाड यांचे व्याख्यान टॉऊन हॉल, नगर परिषदसमोर यवतमाळ येथे आयोजित करण्यात आले आहे. यावेळी डॉ.वाड यांच्या 101 व्या पुस्तकाचे प्रकाशनही होणार आहे. डॉ.वाड यांची वेगवेगळ्या विषयांवरील 100 पुस्तके आतापर्यंत प्रकाशित झाली आहे. त्यांचे ‘हृदयीच्या गोष्टी’ हे 101 व्या पुस्तक यवतमाळात प्रकाशीत होणार आहे. त्यांच्या पुस्तक प्रकाशनासह त्यांना ऐकण्याची यवतमाळकरांना ग्रंथोत्सवाच्या निमित्ताने उपलब्ध होणार आहे. डॉ.वाड यांच्या प्रकाशित साहित्यांमध्ये कादंबरी, कथासंग्रह, बालकादंबरी, बालवाचकांसाठी चरित्र पुस्तके, प्रवासवर्णन, बालकांच्या कथा, बालनाट्ये, बालकविता यांचा समावेश असून त्यांच्या कथांवर चित्रपटही आले आहे. गेल्या काही वर्षापासून त्या राज्य शासनाच्या मराठी विश्वकोश निमिर्त्ती मंडळाच्या अध्यक्ष आहे. मुंबई येथील राजा रामदेव पोदार शाळेतुन त्या प्राचार्य म्हणून सेवानिवृत्त झाल्या. त्यांच्या साहित्यास राज्य व केंद्र शासनासह विविध नामांकीत संस्थांचे पुरस्कार प्राप्त झाले आहे. त्यात 35 पुरस्कारांचा समावेश आहे. दुरदर्शनच्या ‘शालेय चित्रवाणी’ या कार्यक्रमात टिव्ही टिचर म्हणून 11 वर्ष त्यांनी काम केले असून ‘परागण’ हा मुंबई दुरदर्शनवरील पहिला पाठ घेण्याचा मान त्यांना मिळाला. विश्वकोशाच्या ग्रंथवाचन स्पर्धेच्या कामगिरीबद्दल त्यांना कोलंबो‍ विद्यापिठाने डी.लिट्ने सन्मानित केले आहे. पीएचडीचे सुवर्ण पदक बाम्बे टिचर्स ट्रेनिंग कॉलेजने त्यांना दिले आहे. विश्वकोशाचे 17, 18 व 19 हे तिन खंड अवघ्या पाच वर्षात त्यांनी संपादीत केले. शिवाय 20, 178 पानांची शिडी करून विश्वकोशाचे 1 ते 17 खंड शिडी करून जनतेस उपलब्ध करून दिले. देशासह विविध 14 देशातही त्यांची व्याख्याने झाली आहे. त्यांच्या व्याख्यानाचा लाभ घेण्याचे आवाहन ग्रंथोत्सव आयोजन समितीच्यावतीने करण्यात आले आहे.