वणी – दुरचित्रवाणीवरील चेहरा ओळखा स्पर्धेत भाग घेणाºया येथील  तरुणीस बक्षीस जिंकल्याचे आमिष दाखवत बँकेच्या विविध  खात्यात वेळोवेळी पैशाची भरणा करण्यास सांगून १ लाख रुपयाने फसवणूक केल्याचे उघडकीस आले आहे़शहरातील दामले फैल परिसरात राहणाºया राणी मिलींद पथाडे ही तरुणी तीन महिन्यापूर्वी आपल्या घरी दुरचित्रवाणीवर चेहरे ओळखा ही स्पर्धा बघत होती़ तीने चेहरे ओळखल्यावर टिव्हीस्क्रिनवर आलेल्या क्रमांकावर संदेश पाठविला. तीला तात्काळ केदार शर्मा नामक इसमाचा (८००२१४३२९४) भ्रमणध्वनीवरुन बक्षीस जिंकल्याचा फोन आला आणि  स्पर्धेत १२ लाख ८० हजार रुपये जिंकल्याचे सांगीतले़ या घटनेमुळे सदर तरुणी चांगलीच आनंदीत झाली व तीला ही रक्कम   मिळण्याकरीता स्टेट बँकेचे खाते क्ऱ२०१६८०३६३८९ देवून ९ हजार रुपयाचा भरणा करण्यास सांगीतले़ सदर तरुणीने दुसºया दिवशी बँकेत बक्षीस मिळण्याच्या उद्देशाने रक्कम भरली. पुन्हा सदर इसम वेळोवेळी वेगवेगळे खाते क्रमांक देवून विविध कारणे सांगून पैशाचा भरणा करण्यास सांगत होता. त्यावरुन सदर तरुणीने तब्बल १ लाख ६ हजार ४०० रुपयाचा भरणा केल्यावरही बक्षीसाची रक्कम मिळत नसल्याने तरुणी हताश झाली़ आपली फसगत झाल्याचे लक्षात आल्याने तरुणीने पोलीस स्टेशन गाठून केदार शर्मा नामक इसमाच्या विरोधात  तक्रार दिली.  त्यावरून वणी पोलीसांनी भादवी कलम ४२०, ६६(अ) माहिती व तंत्रज्ञान अधिनियमा अंतर्गत गुन्हा नोंद केला आहे़