यवतमाळ – गळ्यात निळे शेले, डोक्यावर टोपी, डि.जे.च्या तालावर नाचत आणि जय भीमचा गजर करीत शहराच्या विविध भागातून निघालेल्या रॅलीने आज शहर जय भीममय झाले होते. बसस्थानक चौकात असलेल्या डॉ. बाबासाहेब आंबेडकरांच्या पुतळ््याला अभिवादन करण्यासाठी निळ््या पाखरांचा कारवा लोटला होता. ही गर्दी रात्री उशीरापर्यंत कायम असल्याने वाहतूक शहराबाहेरून वळविण्यात आली होती.
आज डॉ. बाबासाहेब आंबेडकरांची जयंती जिल्हाभरात उत्साहात साजरी करण्यात आली. यावेळी बुद्ध वंदनेने कार्यक्रमाची सुरूवात झाल्यानंतर दिवसभर कार्यक्रमाची रेलचेल सुरू होती. अभिवादनसाठी रांबच रांब रांग लागली होती. शहरातील चारही भागात सकाळी व्याख्यानासह सांस्कृतिक कार्यक्रम पार पडले. सायंकाळी ५ वाजतानंतर शहरातील पाटीपुरा, तलाव फैल, अंबिकानगर, अशोकनगर, जामनकरनगर, भोसा, वडगावरोड, आशीर्वानगर, लोहारा, नेताजीनगर, पिंपळगाव, उमरसरा, वाघापूर आदी भागातून ही रॅली काढण्यात आली होती. यात युवक, युवती, लहान मोठ्यांसह  डि.जे, बॅन्डच्या तालावर ताल धरीत होते. सर्व रॅलीचे बसस्थानक चौकात आगमण झाल्यानंतर जितके-तिकडे निळ्या पाखरांचाच कारवा दिसत होता. तर जय भीम च्या घोषणांनी परिसर दणाणून गेला होता. सकाळी विविध राजकीय पक्षाच्या नेत्यांसह, सामाजिक, सांस्कृतिक, धार्मिक क्षेत्रात कार्यरत पदाधिकाºयांनी महामानवाला अभिवादन केले. कुठलिही अनुचित घटना घडू नये, यासाठी पोलीस दलाच्या वतीने चोख बंदोबस्त ठेवण्यात आला होता.