यवतमाळ – यवतमाळ जिल्हा बार असोशिएशनची वार्षिक निवडणूक १५ मार्च रोजी जिल्हा न्यायालयात पार पडली. यामध्ये अध्यक्षपदी अ‍ॅड. राजेश चव्हाण हे विजयी झाले असून दोन सचिव  व अंकेक्षकांची अविरोध निवड करण्यात आली.
जिल्हा बार असोशिएशनचे अध्यक्ष, सचिव, सभासद, अंकेक्षकपदाची १५ मार्च रोजी निवडणूक आयोजीत केली होती.अध्यक्षपदासाठी अ‍ॅड. राजेश चव्हाण,अ‍ॅड. अरुण मोहड, अ‍ॅड. दिपक चांभारे यांनी अर्ज दाखल केले होते. तर चार सभासदासाठी पाच जणांनी अर्ज दाखल केले. दोन सचिवांसाठी दोनच अर्ज प्राप्त झाल्याने त्यांची अविरोध निवड झाली. यामध्ये अ‍ॅड. चव्हाण यांना १५३ मते मिळाल्याने ते विजयी झाले. तर त्याचे प्रतिस्पर्धी अ‍ॅड. चांभारे यांना ८३ व अ‍ॅड. मोहोड यांना ५८ मते मिळाली. अ‍ॅड. डि.बी. गायकवाड, अ‍ॅड. सुरज जयसिंगपुरे यांची अविरोध निवड झाली. सभासद म्हणून अ‍ॅड. निरंजन दाढे, अ‍ॅड. शिवाजी गाडे, अ‍ॅड. अमान पठाण, अ‍ॅड. आनंद रुईकर व अंकेक्षक म्हणून अ‍ॅड. भारत सोधी यांची निवड  झाली. निवडणूक निर्णय अधिकारी म्हणून अ‍ॅड. रविशेखर बदणोरे, सहा. निवडणूक निर्णय अधिकारी अ‍ॅड. अजय चमेडीया  यांनी काम पाहिले.