पुणे- जुन्या मुंबई-पुणे महामार्गावर कान्हे फाट्याजवळ मोटारीवर टेम्पो धडकल्याने झालेल्या भीषण अपघातात तीन जण जागीच ठार झाले तर अन्य पाचजण जखमी झाले. गुरुवारी पहाटे साडेपाचच्या सुमारास हा अपघात झाला. जखमींवर सोमाटने फाट्यावरील एका खाजगी रुग्णालयात उपचार सुरू आहेत.
जुन्या मुंबई-पुणे महामार्गावर कान्हे फाट्याजवळ मुंबईकडून पुण्याच्या दिशेने येणा-या टेम्पो चालकाचे कान्हे फाट्याजवळ गाडीवरील नियंत्रण सुटले. टेम्पो रस्ता दुभाजक ओलांडून रस्त्याच्या थेट विरुद्धबाजूला जाऊन मुंबईच्या दिशेने निघालेल्या एमएच ०४-इएक्स-१३४६ या मोटारीवर धडकला. या धडकेत मोटारतील तीनजण जागीच ठार झाले. तर अन्य पाच जण गंभीर जखमी झाले. मृतांची ओळख पटविण्याचे काम सुरु आहे. दरम्यान, या अपघाताचा वाहतुकीवर कोणताही परिणाम झाला नसून जुन्या व नव्या अशा दोन्ही मार्गांवरील वाहतूक सुरळीत सुरू असल्याचे पोलिसांनी सांगितले.
जुन्या मुंबई-पुणे मार्गावर अपघातात, तीन ठार, पाच जखमी
Join us on social media
|
|
|
 |
जाहिरात
Copyright © 2026.