यवतमाळ दि. ६ – येथील दै. सिंहझेपचे संस्थापक संपादक तथा ज्येष्ठ पत्रकार देविदास भोरे यांचे पहाटे ३ वाजतादरम्यान हृदयविकाराच्या धक्क्याने निधन झाले. मृत्यूसमयी ते ६८ वर्षाचे होते. त्यांच्या पश्चात पत्नी, १ मुलगा व बराच मोठा आप्त परिवार आहे.
देविदास भोरे यांनी आपली संपूर्ण हयात पत्रकारितेला अर्पण केली होती. दै. सिंहझेपची स्थापना करून त्यांनी अन्यायग्रस्तांना न्याय मिळवून दिला. देविदास भोरे यांच्या तालमित तयार झालेले अनेक पत्रकारांनी आपल्या क्षेत्रात नावलौकीक मिळविला आहे. त्यांना महाराष्टÑ शासनाच्या वतीने ‘दर्पण’पुरस्काराने सन्मानित करण्यात आले होते. विदर्भवादी असलेले भोरे यांनी स्वतंत्र विदर्भाच्या मागणीसाठी अनेक आंदोलने केली होती. त्यांच्या निधनाचे वृत्त समजताच पत्रकार, लोकप्रतिनिधी, साहित्यिक यांच्यासह विविध क्षेत्रातील मान्यवरांनी निवास्थान गाठून श्रद्धांजली अर्पण केली. त्यांच्या पार्थिवावर आज ६ वाजता स्थानिक पांढरकवडा मार्गावरील मोक्षधामात अंत्यसंस्कार करण्यात आले. यावेळी माजी खा. जांम्बुवंतराव धोटे, माजी आ. विजया धोटे यांच्यासह मोठ्यासंख्येने नागरिक उपस्थित होते.