दिग्रस – तालुक्यातील सावंगा (खू.) येथील प्राथमिक आरोग्य केंद्रातील पाण्याच्या टाक्यात बुडून बालकाचा मृत्यू झाल्याची घटना मंगळवारी रात्री ९.३० वाजता उघडकीस आली. ऋतीक नामदेव राऊत (७) रा. सावंगा (खू.) असे मृतकाचे नाव आहे. जिल्हा परिषद शाळेत पहिल्या वर्गात तो शिक्षण घेत होता. २५ फेबु्रवारी रोजी शाळेत गेला मात्र सायंकाळ होऊनही तो घरी परत आला नाही. म्हणून नातेवाईकांनी त्याची शोधमोहीम सुरु केली. अशातच रात्री ९.३० वाजताच्या सुमारास प्राथमिक आरोग्य केद्रातील पाण्याच्या टाक्यात त्याचा मृतदेह आढळला. या घटनेची माहिती पोलीस पाटील अर्चना अरूण कोरडे यांनी दिग्रस पोलिसांना दिली. त्यावरून पोलिसांनी घटनास्थळ गाठून पंचनामा करून मृतदेह उत्तरीय तपासणीसाठी पाठविला असून अकस्मात मृत्यूची नोंद केली. आरोग्य केंद्राचे बांधकाम सुरु असून ठेकेदाराने पाण्याच्या टाकीवर झाकण बसविले नाही. त्यामुळे या मुलाचा मृत्यू झाल्याचा आरोप नामदेव राऊत यांनी केला आहे.
Join us on social media
|
|
|
 |
जाहिरात
Copyright © 2026.