यवतमाळ – चंद्रपूरला जाणारी ट्रव्हल्स पलटी झाल्याने घडलेल्या अपघात १५ प्रवाशी किरकोळ जखमी झाले तर ४ जण गंभीर जखमी झाले. ही घटना काल रात्री दरम्यान यरद-शरदनजीक असलेल्या मामाभांजे पुलाजवळ घडली. सुनील संघपाल, प्रमोद गौरकार, गणेश श्यामराव क्षीरसागर, हनुमंत दळवे रा. चंद्रपूर अशी गंभीर जखमीची नावे आहे.
चिंतामणी ट्रॅव्हल्स ही पुणे येथून चंद्रपूरकडे जात होती. दरम्यान मामा भांजेपुलाजवळ चालकाचे वाहनावरील नियंत्रण सुटल्याने ट्रॅव्हल्स पलटी झाली. अपघाताची माहिती मिळताच ग्रामीण पोलिसांनी घटनास्थळ गाठून पंचनामा केला. तसेच जखमींना उपचारासाठी कै. वसंतराव नाईक वैद्यकीय रुग्णालयात दाखल करण्यात आले. यातील सुनील संघपाल व प्रमोद गौरकार यांची प्रकृती गंभीर असल्याने त्यांना पुढील उपचारासाठी नागपूरला हलविण्यात आले. या अपघातात सोहम खान, तवसीद सय्यद अहमद, सय्यद कौसीम, हनुमंत डवले, संभाजी सिसोदीया, सुनील संगमापूरे, मोहम्मद खान, सय्यद अहमद, प्रशांत साखरकर, आशीष मडावी, कमलाकर शेटे आदी प्रवाशी किरकोळ जखमी झाले.