यवतमाळ, दि. ३ – भरधाव ट्रॅव्हल्स झाडावर आदळल्याने दोन जण जागीच ठार झाल्याची घटना शुक्रवारी पहाटे जामवाडी येथे घडली. सैय्यद अज्जु ग्यासूदीन (३२) रा. रजानगर दिग्रस, सुभाष भिका जाधव रा. कुंभारकिन्ही ता. दारव्हा असे मृतकाचे नाव आहे. शुक्रवारी रात्री प्रसन्न ट्रॅव्हल्समध्ये पुसद येथून नागपूरकडे प्रवाशी घेऊन जात होते. अशातच जामवाडी या गावाजवळ चालकाचे नियंत्रण सुटल्याने ट्रॅव्हल्स निंबाच्या झाडावर आदळली. यामध्ये दोन जण जागीच ठार झाले असून अनेक महिला प्रवाशी जखमी झाले आहे. त्याच्यावर रुग्णालयात उपचार करण्यात आले.
Copyright © 2026.