पुणे – अंनिसचे अध्यक्ष डॉ. नरेंद्र दाभोलकर यांच्या हत्येप्रकरणी अटक करण्यात आलेल्या दोन आरोपींना आज पुणे कोर्टाने जामीन दिला. आरोपी मनिष नागोरी आणि विकास खंडेलवाल यांच्याविरुद्ध पुरेसे पुरावे नसल्याने कोर्टाने ५० हजार रुपयांच्या जातमुचलक्यावर जामीन दिला.
इचलकरंजीतील अट्टल गुन्हेगार मनिष नागोरी याने डॉ. नरेंद्र दाभोलकर यांच्या हल्लेखोरांना शस्त्र पुरविल्याचा संशयाप्रकरणी पुणे पोलिसांनी अटक केली होती. मनिष नागोरीवर बेकायदेशीर शस्त्रे विकल्याप्रकरणी आणि खून, खंडणीसारख्या अनेक प्रकरणांत कोल्हापूर जिल्ह्यातल्या वेगवेगळ्या पोलीस स्टेशनमध्ये त्याच्यावर गुन्हे नोंद आहेत.
या दोघांना जानेवारी महिन्यात अटक करण्यात आली होती. ९० दिवसांनंतरही आरोपपत्र दाखल करण्यात पुणे पोलिसांना अपयश आले होते. परिणामी, आरोपींनी जामिनासाठी अर्ज केला होता.
डॉ. दाभोलकर हत्याः आरोपींना जामीन
Join us on social media
|
|
|
 |
जाहिरात
Copyright © 2026.