यवतमाळ, दि. १७ – तलाठ्यांच्या जेष्ठता यादीला नागपूर हायकोर्टाने स्थगीती दिली आहे. २० एप्रिलपर्यंत यादी दुरूस्तीचा आदेश देण्यात आला असून, तो पर्यंत ही स्थगीती कायम राहणार आहे.
जिल्हाधिकारी कार्यालयातंर्गत येणाºया मंडळ अधिकारी सवर्गात पदोन्नती देण्यासाठी जानेवारी २००८ मध्ये जेष्ठता यादी तयार करण्यात आली होती. या यादीमध्ये ५८१ तलाठ्याना मंडळ अधिकारी सवर्गासाठी पात्र ठरविण्यात आले. त्यानंतर जिल्हाधिकारी कार्यालयाकडे यादी सादर करण्यात आली. जिल्हाधिकारी कार्यालयाने अंतिम यादी जानेवारी २०१५ ला प्रसिद्घ केल्यानंतर जेष्ठता यादीमध्ये घोळ असल्याची चर्चा महसूल वर्तुळात सुरू झाली. ४ जुन १९९८ च्या राजपत्राप्रमाणे जेष्ठता यादी तयार होणे करण्यात आले नसून, नियमबाह्य यादी तयार करण्यात आल्याचा आरोप झाला. यादी पूर्वीच्या शासन निर्णयानुसार तयार करण्यात आल्याच्या कारणावरून अरूण वांजाळ व बाबा पोटे यांनी याबाबत नागपूर हायकोर्टात याचिका दाखल केली. मुंबई उच्च न्यायालयाच्या नागपूर बेंच चे न्यायाधिश बी.पी. धर्मधिकारी व एस. बी. शुकरे यांनी यावर सुनावणी देत २० एप्रिल २०१५ पर्यंत तात्पूरता स्थगनादेश दिला आहे. अर्जदाराकडून अ‍ॅड. श्रीकृष्ण तांबडे, अ‍ॅड. रोशनी काळे व अ‍ॅड. चंद्रशेखर चांदूरकर यांनी बाजू मांडली. न्यायालयाच्या या आदेशामुळे जिल्हाधिकारी कार्यालयाला चांगलीच चपराक बसली आहे. एप्रिल २०१५ पर्यंत जेष्ठता यादीमध्ये दुरूस्ती करण्याचे आदेश देण्यात आले असल्याने नवीन राजपत्रानुसार जेष्ठता यादी तयार करावी लागणार आहे.