रांची दि. १२ – झारखंडमधील हजारीबाग जिल्ह्यातील चौपारन पोलीस ठाण्याच्या हद्दीतील बुकर गावच्या जंगलात सोमवारी पहाटे केंद्रीय सुरक्षा दलाचे जवान (सीआरपीएफ) आणि माओवाद्यांमध्ये चकमक झाली. यात तीन माओवादी ठार झाले.
त्यांचे मृतदेह पोलिसांना सापडले आहेत. चकमकीनंतर मृतदेह सापडण्याची ही अत्यंत दुर्मिळ बाब असल्याचे सीआरपीएफच्या अधिका-यांनी सांगितले.
बुकर गावच्या जंगलात सीआरपीएफचे जवान आणि माओवाद्यांमध्ये जोरदार चकमक झाली. जंगलात काही शस्त्रसाठाही सापडला आहे. घटनास्थळावरुन खिळा रायफल, आयएनएसएएस आणि एसएलआर रायफल पोलिसांनी जप्त केली आहे. या भागात सीआरपीएफने तातडीने दोन विशेष पथकेही जवानांच्या मदतीसाठी पाठवली आहेत.
Copyright © 2026.