दारव्हा,दि. २९ – शेतकरी संघटनेने आपल्या विविध मागण्या संदर्भात रुमणे मोर्चा काढून उपविभागीय कार्यालयात धडक दिली. स्थानिक सर्कल मैदानातुन शेकडो शेतकरी बैलबंड्यासह या मोर्चात सहभागी झाले होते. सरकार विरोधी घोषणा बाजी करीत शेतकरी आत्महत्याच्या झाकीसह बैल व म्हशीवर शेतकºयांच्या विदारक अवस्थेचे फलक या मोर्चाचे प्रमख आकर्षण ठरले होते.
यावेळी अनेक शेतकºयांनी स्थानिक लोक प्रतिनिधींसह सरकारणे अच्छे दिनचे स्वप्न दाखवून विश्वासघात केल्याचा आरोप करून सरकार विरुध्द रोष व्यक्त केला. पॅकेजच्या नावावर सरकार शेतकºयांची दिशाभूल करीत असून, सरकारने वाचननाम्याप्रमाणे सातबारा कोरा करावा. उत्पादन खर्चात ५० टक्के नफा देऊन कृषी मालाचे भाव ठरवावे, घरगुती वीज बिलाचे दरवाढ करण्यात येऊ नये अश्या अनेक मागण्यांचे निवेदन यावेळी शेतकरी संघटनेच्या वतीने उपविभागीय अधिकाºयांना दिले. यावेळी मोर्चात निखील कुमार पानचोरे या युवकाने फाशी घेतलेल्या शेतकºयांचे दृश्य झाकीद्वारे सादर केले.