नवी दिल्ली- राजधानी दिल्लीत एका नायजेरियन महिलेवर सामूहिक बलात्कार केल्याची धक्कादायक घटना उघडकीस आली आहे. पिडीत महिलेने या प्रकरणी तक्रार दाखल केल्यानंतर पोलिसांनी चार जणांना ताब्यात घेतले आहे.
पिडीत महिला दक्षिण दिल्लीतील छत्तरपूर येथून घरी जाण्यास निघाली होती. यावेळी गाडीत बसलेल्या राकेश, सनी, दीपक आणि जॉन्सन यांनी या महिलेला लिफ्ट देऊ केली आणि तिनेही ती स्वीकारली.
यादरम्यान या चौघांनी परिस्थितीचा फायदा घेत तिच्यावर चालत्या कारमध्ये सामूहिक बलात्कार केला आणि त्यानंतर तिला गाडीबाहेर फेकून दिले. चिला बॉर्डरजवळील पोलीस ठाण्यापासून काही अंतरावर तिला गाडीतून फेकून दिले आणि ते चौघेही पसार झाल्याची माहिती पोलिसांनी दिली.
दरम्यान, पिडीत महिलेला लिफ्ट दिल्याचे आरोपींनी मान्य केले आहे मात्र तिच्यावर बलात्कार केल्याचा आरोप त्यांनी फेटाळून लावला आहे.
Copyright © 2026.