उमरखेड – शहरातील मध्यवस्तीत असलेल्या खडकपुरा येथील किराणा दुकानाला आग लागल्याने १२ लाखाचे नुकसान झाल्याी घटना सोमवारी रात्री घडली. ललीत गोविंद तेला याचे खडकपूरा चौकात किराणा स्टोअर्स दुकान आहे. सोमवारी मध्यरात्रीच्या सुमारास अचानक दुकानाला आग लागली. पाहता पाहता आगीने संपूर्ण दुकानातील साहित्य कवेत घेतले. यामध्ये किराणा माल, वजन काटा, मापे, फर्निचर व महत्वाचे कागदपत्र असा एकुण १२ लाखाचा माल जळून खाक झाला. ही बाब निदर्शनास येताच नगर परिषदच्या अग्निशमन दलाला पाचारण करुन ही आग आटोक्यात आणली. शहरात तीन दिवसापूर्वी धार्मिक स्थळाची विटंबना केल्याची घटना घडली होती. त्यामुळे शहरात तणावाचे वातावरण निर्माण झाल्यानंतर अनेकांनी जाळपोळ केली होती. याच घटनेचा वचपा काढण्यासाठी सदर दुकानाला आग लावली असा संशय व्यक्त करुन व्यापाºयांनी बाजारपेठ बंद केली होती. मात्र दुकानदाराने ही आग शॉट सर्कीटमुळे लागल्याचे सांगितल्या नंतर व्यापाºयांनी आपले दुकाने सुरु केली. या घटनेची माहिती मिळताच  पोलिस व वीज वितरण कंपनीने घटनास्थळ गाठून पंचनामा केला.