यवतमाळ – दुर्गादेवीच्या विसर्जनादरम्यान नाचण्याच्या वादातून युवकाचा खून करण्यात आल्याची घटना गुरुवारी रात्री १० वाजता दरम्यान चमेडीयानगरात घडली. धनराज पचारे (२६) रा. डोर्लीपुरा, असे मृताचे नाव आहे.
गुरुवारीरात्री दरम्यान दुर्गादेवीच्या विसर्जनासाठी मिरवणूक निघाली असताना धनराज व शंकर नेवारे या दोघात नाचण्याच्या कारणातून वाद निर्माण झाला. या वादाचा वचपा म्हणून शंकर नेवारे या युवकाने धनराजला दगडाने मारहाण करून गंभीर जखमी केले. त्याला रुग्णालयात नेले असता डॉक्टरांनी मृत घोषित केले. या घटनेमुळे परिसरात खळबळ उडाली आहे. या घटनेची माहिती शहर पोलिसांना मिळताच त्यांनी घटनास्थळ गाठून पंचनामा केला. याप्रकरणी राहुल अभिमान पचारे याने शहर पोलीस ठाण्यात तक्रार दिली. त्यावरून शंकर नेवारे (१९)रा. डोर्लीपुरा याच्याविरुध्द गुन्हा नोंद करण्यात आला आहे. या प्रकरणाचा पुढील तपास पोलीस करीत आहे.
Copyright © 2026.