यवतमाळ – दरोडा टाकण्याच्या उद्देशाने करळगाव घाटात लपून असलेल्या सहा जणांना देशी कट्ट्यासह अटक करण्यात आली. संदीपसिंग दीपकसिंह गुघानी (२२) रा. अंबानगर, विक्रम उर्फ बिल्ला गुलाब सोळंकी (२०) रा. अमराईपुरा, पंकज अनिल राजुरकर रा. वाघापूर (२२), अमित विनोद गवई रा. चांदोरेनगर यांच्यासह दोन युवक करळगावघाटात लपून असल्याची टीप उपविभागीय अधिकाºयांच्या पथकाला मिळाली. पथकाने सापळा रचून सहाही चोरट्यास अटक केली. त्यांच्याजवळ देशी बनावटीचा कट्टा, तीन काडतूस, मिरची पावडर, २ लाठी असा एकूण २० हजार ३५० हजार रुपयाचा ऐवज मिळाला. दरोडा टाकण्याच्या उद्देश असल्याची कबुली पोलिसांना दिली. उपविभागीय कार्यालयाचे पोलीस राहुल मनवर यांच्या तक्रारीवरून ग्रामीण पोलिसांनी सहाही चोरट्यांविरुध्द गुन्हा नोंद केला आहे. ही कारवाई उपविभागीय पोलीस अधिकारी राहुल मदने यांच्या मार्गदर्शनात राहुल मनवर, तुषार नेवारे, इकबाल शेख, प्रमोद मडावी, संतोष मडावी, अजय ढोले यांनी केली. आरोपीकडून घरफोडी, लुटमारीच्या घटना उघडकीस येण्याची शक्यता वर्तविण्यात आली.