दिग्रस, दि. १७ -नगर पालिकेच्या जुन्या इमारतीस आग लागल्याने ३० वर्ष जूनी कागदपत्रे जळून खाक झाली. ही घटना आज दुपारी ३.३० वाजता दरम्यान घडली. अग्निशमन दलाच्या पथकाने एक तास पाण्याचा मारा केल्यानंतर आग आटोक्यात आली.
डॉ. बाबासाहेब आंबेडकर यांच्या पुतळ््यास लागून नगर पालिकेची जुनी इमारत आहे. आज दुपारी ३ वाजताच्या सुमारास खिडकीतून धूर निघत असल्याचे काही नागरिकांच्या लक्षात आले. ही माहीती तत्काळ अग्निशमन दलाच्या पथकाला देण्यात आली. मात्र प्रशिक्षीत कर्मचारी नसल्याने रोजंदारी कर्मचारी लावून आगिवर नियंत्रण मिळविण्यासाठी झुंज द्यावी लागली. या इमारतीच्या तळमजल्यावरील संकुलामध्ये दवाखाने, मेडीकल, पतसंस्था, हाडवेअर आदी दुकाने आहे. मात्र घटना तत्काळ लक्षात आल्याने आगीची झळ दुकानांना बसली नाही. शॉर्टसर्कीटमुळे ही लागली असून, ३० वर्षजुनी कागदपत्रे जळाल्याची माहिती वरिष्ठ लिपिक दयाराम पवार यांनी दिली. यावेळी घटनास्थळी बघ्यांची मोठ्या प्रमाणात गर्दी झाली होती.