नेर , दि. २२ – तालुक्यातील पांढरी येथील नवविवाहीतेन गळफास घेऊन आत्महत्या केल्याची घटना आज रविवारी २२ मार्च रोजी दुपारी १२ वाजता घडली. या विवाहीतेच्या शरीरावर मारहाण केल्याच्या खुना असून ही आत्महत्या नसून खून असल्याचा आरोप करून नातेवाईकांनी पोलीस ठाणे गाठले.
संगिता योगेश ढबाले (२२) रा पांढरी असे मृतक विवाहीतेचे नाव आहे. दोन महिन्यापूर्वीच योगेश ढबाले सोबत तीचा विवाह झाला होता. अशातच आज दुपारी १२ वाजताच्या सुमारास तीने राहत्या घरीच गळफास लावून आत्महत्या केली. या घटनेची माहिती मिळताच पोलिसांनी घटनास्थळ गाठून पंचनामा करून मृतदेह शवविच्छेदनासाठी ग्रामीण रुग्णालयात दाखल केला. संगिताच्या शरीरावर मारहाण केल्याच्या खुना असुन तीला मारून टाकल्याचा आरोप तीच्या नातेवाईकांनी केला असून पोलिस ठाण्यात धडक दिली. वृत्त लिहेपर्यंत पुढील कार्यवाही सुरू होती.
Copyright © 2026.