नालासोपारा -नालासोपाऱ्यातील एम. डी. नगर येथे एका इमारतीत आज (शनिवार) सकाळी एक भीषण स्फोट झाला आहे. या स्फोटात सात जण जखमी झाले असून दोघांची प्रकृती गंभीर आहे. जखमींना जवळच्या रुग्णालयात दाखल करण्यात आले आहे.
बी विंगमधील तळमजल्यावरील पांडे यांच्या घरातील लाईट सुरु करताच जोरदार स्फोट झाल्याने एकच खळबळ माजली. स्फोटाचे नेमके कारण समजलेले नसले तरीही घरात गॅस गळती झाल्यामुळे स्फोट झाल्याचा प्राथमिक अंदाज व्यक्त करण्यात येत आहे. स्फोटाची तीव्रता जास्त असल्याने याचा फटका इतर विंगमधील घरांनादेखील बसला असून या घरांचेही काही प्रमाणात नुकसान झाले असल्याचे समजते आहे.
स्फोटामुळे घरातील अनेकांना गंभीर जखमा झाल्या आहेत. स्फोटाची माहिती मिळताच अग्निशमन दलाचे जवान आणि पोलिसांनी घटनास्थळी धाव घेतली. याप्रकरणी अधिक चौकशी सुरु असल्याचे पोलिसांकडून सांगण्यात आले.
नालासोपाऱ्यात भीषण स्फोट
Join us on social media
|
|
|
 |
जाहिरात
Copyright © 2026.