यवतमाळ – लोकसभा निवडणूक आयोगाच्या पथकाने पांढरकवडा तालुक्यातील पिंपळखुटी चेकपोस्ट व कळंब बायपासवर वाहन तपासणीत दहा लाखाची रक्कम जप्त केली.
उमेदवारांकडून निवडणूकीच्या काळात मतदारांना पैशाचे प्रलोभन दाखविले जाते. त्यामुळे निवडणूक आयोगाच्या आदेशावरून वाहनाची तपासणी मोहीम सुरु केली असून अवैधपने नेण्यात येणारी रक्कम जप्त करत आहे. दुपारी आदीलाबादकडून क्रमांक एमएच-२६ ई/ १२४८ हे वाहन तपासणी पथकाने पिंपळखुटी चेकपोस्टजवळ अडविले. पथकाने तपासणी केली असता वाहनातील महादेव डोंगरे व मिरगू राकेश यांच्याकडे १ लाख ४९ हजार रुपये आढळून आले. ही कारवाई पथकातील घाटंजीचे नायब तहसीलदार एम.डी.मेंढे, आर्णीचे सुधीर पवार यांनी केली. तर शुक्रवारी कळंब बायपासजवळ एका वाहनाच्या तपासणीत विठ्ठल महादेव राजुरकर या व्यक्तीकडून ३ लाख ५० हजार रोख जप्त करण्यात आले. सबंधित व्यक्तीने आपण ही रक्कम बँकेतून इनकमटॅक्स भरण्यासाठी काढल्याचे सांगितले, अशी माहिती निवडणूक विभागाचे उपजिल्हाधिकारी नरेंद्र फुलझेले यांनी दिली. दुसºया कारवाईत याच घटनास्थळी वणी तालुक्यातील नायगाव येथील रहिवासी असलेल्या हरिदास सुधाकर बोबडे या व्यक्तीकडून ४ लाख ७ हजार ५०० रुपये जप्त करण्यात आले. संबंधित व्यक्तीने आपण ही रक्कम ट्रॅक्टरघेण्यासाठी आणल्याचे सांगितले.