वणी –  चिखलगांव हद्दीतील मेघदुत कॉलनी मधील एका बेरोजगार युवकाला परदेशात नौकरी लावून देण्याचे आमिष दाखवून गुजरात मधील रेनॉल्ड ट्रव्हल्स कंपनीने ७२ हजार रुपयाने फसविल्याची घटना उघडकीस आली. कुलविंदरसिंग अजितसिंग सैनी या युवकाने परदेशात नौकरी बाबतची जाहिरात वाचून त्यावरील दुरध्वनी क्रमांकावर संपर्क साधला.  अहमदाबाद गुजरात येथील रेनॉल्ड ट्रव्हल्स कंपनीचे संचालक आऱपटेल यांनी इंग्लंडमध्ये खाजगी नौकरी लावून देण्याचे सांगीतले़ परदेशात नौकरी मिळणार या आशेवर सदर तरुण असतांना त्याला बँक आॅफ बडोदा या बँकेचा खाते क्रमांक देवून वेळोवेळी पैशाचा भरणा करण्यास सांगीतले़ यावरुन सदर बेरोजगार युवकाने  २१ जून २०१३ पासून आज पर्यंत विविध खात्यात ७२ हजार ५०० रुपयाचा भरणा केला़ मात्र त्याला नौकरी दिली नाही या बाबत सदर कंपनीचे संचालक आऱपटेल यांना नौकरी बाबत विचारणा केली असता टोलवाटोलवीची उत्तरे मिळाल्याने आपली फसगत झाल्याचे लक्षात येवून त्याने या बाबत वणी पोलीसात रितसर तक्रार दाखल केली असून ट्रव्हल्स कंपनीच्या संचालकावर भादवी कलम ४२०,४६८, ४७१ अन्वये गुन्हा नोंद केला आहे़