यवतमाळ,दि. १३ (प्रतिनिधी) – दारूने अनेककांचे संसार उद्घवस्त झाले आहे. दारू पिऊन येणाºया पतीच्या त्रासाला कंटाळून पत्नीनेच कुºहाडीने खून केल्याची घटना शुक्रवारी रात्री पार्डी येथे घडली. याप्रकरणी वडकी पोलिसांनी आरोपी महीलेला अटक करून तीन दिवस पोलीस कोठडी मिळविली आहे.
नानाजी मुनेश्वर असे मृतकाचे नाव आहे. तो दररोज दारू पिऊन पत्नी  बेबी मुनेश्वर (५५) हिला शारीरीक व मानसिक त्रास देत होता. दारूसाठी पैशाची मागणी करीत तिला मारहाण करीत असायचा, दारू पिऊन आल्यानंतर तिला वेठीस धरायचा. दररोजच्या त्रासाला बेबी कंटाळून गेली होती. अशातच काल रात्री दोघा पती-पत्नीमध्ये वाद निर्माण झाला. यावेळी रागाच्या भरात बेबीने घरातील कुºहाड घेवून नाननाजीच्या डोक्यात सपासप वार केले. यामध्ये गंभिर जखमी झालेल्या नानाजीला नातेवाईकांनी सावंगी मेघे येथील रुग्णालयात दाखल केले. यावेळी त्यानी अपघातामध्ये नानाजी जखमी झाल्याचे सांगितले होते. त्यानंतर रात्री सदर इसमाचा मृत्यू झाला. याबाबत संजय मुनेश्वर (३५) रा. पार्डी याने वडकी पोलीस स्टेशनला तक्रार दिली. त्यावरून पोलिसांनी आरोपीविरूद्घ भादंवि कलम ३०२ अंतर्गत गुन्हा दाखल करून अटक केली. आरोपीला राळेगाव येथील न्यायालयात हजर करून १५ डिसेंबर पर्यंत पोलीस कोठडी मिळविली. अधिक तपास वडकीचे ठाणेदार अमोल माळवी करीत आहे.