आर्णी, दि.४ – आद्य पत्रकार, दर्पणकार बाळशास्त्री जांभेकर यांची जयंती व पत्रकादिनाचे औचित्य साधून आर्णी प्रेस क्लबच्या वतीने व्याख्यान व कवी संमेलनाचे आयोजन ६ जानेवारी रोजी माहेर मंगल कार्यालयात केले आहे.
सकाळच्या सत्रात ‘सायबर क्राईम समस्या आणि आव्हान’ या विषयावर न्या उमेशचंद्र मोरे यांचे व्याख्यान होणार आहे. या कार्यक्रमाला प्रमुख पाहुणे म्हणून न्या. काळपगार, तहसीलदार , ठाणेदार हनुमंत गायकवाड, गटविकास अधिकारी प्रकाश नाटकर उपस्थितीत होते. इंटरनेचा वाढता वापर त्यातून चुकीच्या संदेशामुळे निर्माण होणारी स्थिती आदी बाबींवर हे व्याख्यान महत्वपूर्ण ठरणार आहे. सायंकाळी ६ वाजता मराठी कविता गझलची बहारदार काव्य मैफल होणार आहे. सुप्रसिध्द वºहाडी कवी शंकर बडे यांच्या अध्यक्षतेखाली प्रा. कलीम खान, बबन सराडकर, नितीन देशमुख, तुळशीदास खराटे, मसुद पटेल, आबेद शेख, विजय ढाले यांचा सहभाग असेल. कार्यक्रमाचे संचालन गझलकार प्रा. रवी चापके हे करतील. या कार्यक्रमाला उपस्थित राहावे असे आवाहन आर्णी प्रेसचे अध्यक्ष संदीप ढोले, उपाध्यक्ष नौशाद अली, सचिव संजय राठोड, संस्थापक प्रमोद कुदळे, हरिओम बघेल, विवक दहिफळे, सचिन शिंदे, बबलू जाधव, संजय जोशी, विनोद सोयाम आदीनी केले आहे.