नवी दिल्ली – केंद्रीय क्रीडा मंत्रालयाने पद्मभूषण पुरस्कारासाठी भारताची अव्वल महिला बॅडमिंटनपटू सायना नेहवालच्या नावाची शिफारस करण्याचा निर्णय घेतला आहे.
पद्मभूषण पुरस्कारासाठी शिफारस करण्याची वेळ निघून गेली आहे. मात्र सायनाची उत्तुंग कामगिरी ध्यानात घेऊन विशेष बाब म्हणून सायनाची पद्मभूषण पुरस्कारासाठी शिफारस करण्याचा निर्णय घेतला आहे असे क्रीडा मंत्रालयाकडून सांगण्यात आले.
पद्म पुरस्कारासाठी वेळेत शिफारस केल्याचा सायनाचा दावा केंद्रीय क्रीडामंत्री सरबानंद सोनोवाल यांनी फेटाळून लावला. शनिवारी सायनाने पद्य भूषण पुरस्कार न मिळाल्याबद्दल नाराजी व्यक्त केली होती. भारतीय बॅडमिंटन संघटनेने गेल्यावर्षी ऑगस्ट महिन्यात पद्म पुरस्कासाठी माझ्या नावाची शिफारस केली होती मात्र नियमांचा हवाला देऊन क्रीडा मंत्रालयाने अर्ज फेटाळून लावला होता असे सायनाने म्हटले होते.
त्यावर क्रीडा मंत्र्यांनी सायनाचा दावा फेटाळून लावला. तीन जानेवारीला पद्म पुरस्कारासाठी सायनाच्या नावाची शिफारस करणार अर्ज मिळाल्याने क्रीडा मंत्र्यांनी सांगितले.