पुणे – भाजपचा हात हातात घेऊन महाराष्ट्राच्या सत्ताकारणाची सगळी गणिते उलटीपालटी करणाऱ्या शरद पवार यांनी आता थेट पंतप्रधान नरेंद्र मोदी यांच्या हातातील ‘झाडूच’ हाती घेतला आहे. मोदींच्या ‘स्वच्छ भारत’ अभियानात शरद पवारही सहभागी झाले असून त्यांनी आज पुण्यात सहकुटुंब साफसफाई केली. त्यामुळं पवारांच्या पुढच्या ‘चालीबद्दल’ तर्कवितर्कांना उधाण आले आहे.
बारामती येथे समस्त पवार कुटुंब आज स्वच्छता अभियानासाठी रस्त्यावर उतरले होते. पवारांच्या हस्ते प्रातिनिधिक स्वच्छता केल्यानंतर खासदार सुप्रिया सुळे, आमदार अजित पवार तसंच इतर राष्ट्रवादीच्या नेत्यांनी रस्त्यावर साफसफाई केली. शरद पवार यावरच थांबणार नाहीत. बारामतीच्या शेजारीच असलेल्या मूर्टी या गावात लवकरच पंतप्रधान आदर्श ग्राम योजनेचा शुभारंभ होणार आहे. राष्ट्रवादीचे राज्यसभेतील खासदार डी. पी. त्रिपाठी यांनी हे गाव दत्तक घेतलं आहे. त्यामुळं शरद पवार एनडीएची वाट चालू लागल्याचं चित्र निर्माण झालं आहे.
पवारांच्या हाती मोदींचा झाडू
Join us on social media
|
|
|
 |
जाहिरात
Copyright © 2026.