यवतमाळ – एकोणविसाव्या शतकातील एक असामान्य स्त्री व्यक्तिमत्व म्हणजे डॉ. रखमा राऊत आहे. सौराष्टÑ आणि कच्छच्या पहिल्या भारतीय महाला डॉक्टरचा संघर्षमय प्रवास घराघरात पोहोचावा, यासाठी जिजाऊ ब्रिगेडच्या वतीने २२ नोव्हेंबर रोजी जिल्हास्तरीय अधिवेशन आयोजित करण्यात आले आहे, अशी माहिती डॉ. छाया महाले यांनी पत्रकार भवन येथे आयोजित पत्रकार परिषदेत दिली. हा कार्यक्रम कृषी विज्ञान केंद्राच्या सभागृहात पार पडणार असून, एका महिला डॉक्टरला डॉ. रखमा राऊत पुरस्काराने सन्मानित करण्यात येणार आहे.
कैसर-ए-हिंद, हिंदू लेडी असलेल्या डॉ. रखमा राऊत या कायम पडद्याआड राहिल्या. बालविवाह नाकरणारी पहिला महिला असून त्याविरुध्द न्यायालयीन लढाई लढली. पसंत नसलेल्या पतीकडे नांदण्यापेक्षा तुरुंगात जाण्याची शिक्षा पसंत करणारी कणखर महिला डॉक्टर होती. १८९० मध्ये त्यांनी लंडन स्कूल आॅफ मेडीसीन फॉर विमेन या महाविद्यालयातून वैद्यकीय शिक्षणास प्रारंभ केला. १८९४ मध्ये शेवटची परीक्षा पास केली. वैद्यकीय सेवा करीत असताना त्यांनी सामाजिक भान कायम बाळगले होते. सुरतमधील माळवी हॉस्पीटल रखमाबाई हॉस्पीटल म्हणूनच ओळखल्या जाते. या माऊलीची १५० वी जयंती शासन पातळीवरून साजरी होणे आवश्यक होते. मात्र पडद्यामागील महानायिका उपेक्षित राहिल्याबद्दल डॉ. छाया महाले यांनी खंत व्यक्त केली. यावेळी मराठा सेवा संघाचे जिल्हाध्यक्ष डॉ. दिलीप महाले, योगेश धानोरकर, विद्या खडसे, राजश्री कुºहडकर, सुवर्णा ठाकरे, आशा काळे, संगीता होनाडे यांच्यासह जिजाऊ ब्रिगेडच्या महिला पदाधिकारी उपस्थित होत्या.