जम्मू – पाकिस्तानी सैन्याने शनिवारी पुन्हा एकदा शस्त्रसंधी कराराचे उल्लंघन करत, पूँछमधील नियंत्रण रेषेजवळ भारतीय चौक्यांच्या दिशेने जोरदार गोळीबार केला. गेल्या पंधरा दिवसातील ही पाचवी घटना आहे.
काश्मीरच्या पूंछ जिल्ह्यातील नांगीतेकरी भागात पाकिस्तानी सैन्याने भारतीय लष्कराच्या दिशेने गोळीबार केला. या गोळीबारास भारतीय सैन्याकडूनही चोख प्रत्युत्तर देण्यात आले. या गोळीबारादरम्यान कोणीतीही जिवितहानी झाली नाही तसेच कोणीही जखमी झाले नसल्याची माहिती अधिका-यांनी दिली.
याआधी पाच मे ला राजौरी जिल्ह्यातील भिंबेर गली, तीन मे ला पूंछ जिल्ह्यातील मेंढर तर २८ एप्रिलला राजौरीमधील भिंबेर गली भागात पाकिस्तानी सैन्याकडून भारतीय चौक्यांवर गोळीबार करण्यात आला होता. २५ एप्रिललाही पाकिस्तानी सैन्याने शस्त्रसंधीचे उल्लंघन करत गोळीबार केला होता.
पाकिस्तानी सैन्याकडून पुन्हा शस्त्रसंधीचे उल्लंघन
Join us on social media
|
|
|
 |
जाहिरात
Copyright © 2026.