कळंब, दि. १ – पाच वर्षीय बालिकेवर अत्याचार केल्याची घटना कळंब तालुक्यातील शिंगणापूर येथे उघडकीस आल्याने समाजमन सुन्न झाले आहे. पसार झालेल्या नराधमाचा शोध घेण्यासाठी एसडीपीओचे पथक रवाना झाले असून, प्रमोद झोड (४५) रा. कळंब असे कुकर्म करणाºया नराधमाचे नाव आहे.
कळंबपासून आठ किमी अंतरावर शिंगणापूर गाव आहे. या ठिकाणी प्रमोद झोड याचे शेत असून, तो रोज गावात येत होता. गुरूवारी दुपारी चार वाजताच्या सुमारास पाच वर्षीय बालिका खेळत असताना, त्याची नजर बालिकेवर गेली. त्याने तिला जबरदस्ती गोठ्यात नेले व तिच्यावर अत्याचार केला. मुलगी घरी रडत असल्यामुळे तिच्या आई वडीलांनी चौकशी केली. यावेळी मुलीने घडलेला सर्व प्रकार आईला सांगितला. मुलीच्या आईने कळंब पोलीस स्टेशन गाठून याबाबत तक्रार दिली. याप्रकरणी पोलिसांनी गुन्हा नोंद करून तपास सुरू केला. दरम्यान आरोपी पसार झाल्याने त्याचा शोध घेण्यासाठी पोलीस उपविभागीय अधिकारी यांचे पथक रवाना झाले आहे. ४५ वर्षीय इसमाने पाच वर्षीय बालिकेवर केलेला कुकर्म चीड आणणारा असून, नराधमाला तात्काळ अटक करावी अशी मागणी जोर धरत आहे.