यवतमाळ – एका अज्ञात महिलेचा सांगाडा पाटापांगरा जंगलात सापडल्याने खळबळ उडाली आहे. २५ दगडाने ठेचून महिलेचा खून केला असून  अजुनही ओळख पटली नाही. या महिलेची हत्या कोणी व का केली हे शोधण्याचे आवाहन पारवा पोलिसांसमोर उभे ठाकले आहे.
घाटंजी तालुक्यातील पाटापांगरा जंगलातील नाल्यात एक मृतदेह आढळल्याची माहिती झटाळा येथील पोलीस पाटील लक्ष्मण गेडाम यांनी  पारवा पोलिसांना दिली. त्यावरून पारवा पोलिसांनी २८ फेबु्रवारी दुपारी २ वाजता घटनास्थळ गाठून पंचनामा केला. यावेळी ३५ ते ४० वर्षीय वयोगटातील महिलेच्या अंगावर मोठमोठे २० ते ३० दगड असल्याचे दिसून आले. तर संपूर्ण शरीराचे मास गळल्याने फक्त शरीराचा सांगाडा शिल्लक होता. त्यावरून या महिलेचा एक महिन्यापूर्वी खून झाला असावा असा अंदाज पोलिसांनी व्यक्त केला. मृतक महिलेने गुलाबी रंगाची साडी परिधान केली असून घटनास्थळापासून काही अंतरावर तोडलेले लाकुड, पाण्याची बॉटल, चप्पला पडून होत्या. कोण्यातरी लाकुड तोडणाºया व्यक्तीने सदर महिलेचा खून केला असावा अशी शंका व्यक्त होत आहे. जंगलात गेलेल्या एका व्यक्तीला दुर्गंधी आल्याने ही घटना उजेडात आली. डॉक्टरांना घटनास्थळी पाचारण करून शवविच्छेदन केले. या घटनेने परिसरात चांगलीच खळबळ उडाली आहे. ही महिला कोण, तीचा खून कोणी व का केला हे शोधण्याचे आवाहन पोलिसांसमोर उभे ठाकले आहे. याप्रकरणी पारवा पोलिसांनी अज्ञात  मारेकºयाविरूद्घ खुनाचा गुन्हा दाखल केला असून ठाणेदार संजय शिरभाते तपास करीत आहे.