नेर – नगर परिषदची परवानगी न घेता पाईप लाईन फोडून पाणी चोरणाºया नागरिकाविरुद्घ गुन्हा दाखल केला. या कारवाईने पाणी चोरणाºया नागरिकांचे धाबे दणानले आहे.
मार्च एन्डींग असल्याने नगर परिषदने थकबाकी कर, पाणी कर, लाईन कराची वसुली मोहीम हाती घेतली आहे. आज शनिवारी नगर परिषदचे मुख्याधिकारी दादाराव डोल्हारकर व कर्मचाºयांनी वार्ड क्र. १६ चमननगर मध्ये ही मोहीम राबविली. यावेळी अब्दुल आदिल अब्दुल गफ्फार या व्यक्तीने नगर परिषदची परवानगी न घेता पाईप लाईन फोडली. त्यावरुन नळ कनेक्शन घेऊन पाणी चोरी केल्याचे निदर्शनास आले. हा प्रकार पाहुण मुख्याधिकाºयांनी थेट पोलिस ठाणे गाठून पाणी चोरीची तक्रार दिली. पोलिसांनी या प्रकरणी अब्दुल आदिल याच्याविरुद्घ भादंवि कलम ३७९ अंतर्गत गुन्हा दाखल केला. नगर परिषदकडे अर्ज करुनही नळ कनेक्शन मिळत नाही. त्यामुळे नागरिकांना पाईप लाईन फोडून पाणी चोरत असून याला प्रशासन जबाबदार असल्याचे बोलले जात आहे. पाणी चोरी करणाºया अनेक नागरिकांवर दंडात्मक कारवाई केला. मात्र पाणी चोरी प्रकरणी गुन्हा दाखल केल्याची हि पहिलीच वेळ असावी. या कारवाईने अवैधपने नळ घेणाºया नागरिकांचे धाबे दणानले आहे.