हा घनघोर इतिहास नाही पाण्याचा : माणसांचाही
माणूस का शिकत नाही पाण्याचा इतिहास
यांना कुणी तरी शिकवारे पाण्याचा इतिहास
इतिहास विसरतो त्याला घडवता येत नाही इतिहास
कुणी तरी लिहा रे पाण्याचा इतिहास
पाण्याला खेळू द्या रं मोकळ
पाण्याचा खेळ करणारे बंद करा वाटर किंग्डम पार्क
का गाजावताय स्वामित्व पाण्यावर
का केल पाणी बाटलीत बंद
का चाललाय पाण्याचा धंदा
कुणी उभे केले हे पाणी सम्राट
पाण्याचा पैसा
पैश्याच पाणी
पाण्यासारख्या पैश्यावर उद्या हे विकत घेतील
विहिरी, तलाव, नद्या सागर
पाणी रे पाणी तेरा कितना पैसा
पैसेवाला पाणी पिणार
बिनपैसेवाला तडफडून मरणार
पाण्याचे आटताहेत साठे जगभर
पाण्याला शोधले जातील पर्याय
पाण्याला पर्याय असते पाणी निष्कर्ष आल्यावर
अंतराळातून शोध घेतला जाईल पाण्याचा
बिनपाण्याचा देश करेल स्वारी पाण्याच्या देशावर
वाहतील रक्ताचे पाट पाण्यासारखे
जो जिता वही सिकंदर
आपल्या लोकांना वाचवण्यासाठी
एक एक देश करीत राहतील पादाक्रांत
त्यातून येईल तिसरे चौथे पाचवे महायुद्ध
ते टाळायला हवा असेल एक बुद्ध

मोतीराम कटारे
( पाणी या दीर्घ कवितेतील अंश )
लोकहो तुम्हीच आहात गुन्हेगार ‘ या कवितासंग्रहातून