कळंब- तालुक्यातील पार्डी (सावळापूर) येथील १५ महिला स्वयंसहायता सेन्ट्रल बँक ऑफ इंडिया शाखा कोठा तर्फे बँक कर्ज मंजुरी. महाराष्ट्र राज्य ग्रामीण जीवनोन्नती अभियान पंचायत समिती कळंब व सेन्ट्रल बँक ऑफ इंडिया शाखा कोठा यांच्या संयुक्त विद्यमानाने कोठा क्लस्टर मधील पार्डी (सावळापूर) या गावातील १५ स्वयंसहायता समूहांना १२ लाख रुपयांचे कर्ज वाटप करण्यात आले. महिलांना दिल्या गेलेल्या या कर्जामुळे त्यांची आत्मनिर्भरतेकडे वाटचाल सुरु झालेली आहे, गावातील महिलांना आता गावातच रोजगार व उद्योगधंदे निर्माण करता येणार आहे. पुरुषाच्या खांद्याला खांदा लावून महिलांनी आपल्या संसाराचा गाडा सुरळीतपणे हाकण्यासाठीचा यशस्वी प्रयन्त सुरु केलेला आहे. या अगोदर स्वयंसहायता समूहाला कर्ज मिळविण्यात खूप कष्ट सहन करावे लागत होते, परंतु आता महाराष्ट्र राज्य ग्रामीण जीवनोन्नती अभियान पंचायत समिती कळंब येथील तालुका व्यवस्थापक उमेश शिंदे यांनी कर्जाचा योग्य विनियोग याबाबतचे शिबीर घेऊन त्यांना सक्षम करण्याचे चांगले काम केलेले आहे तसेच त्यांनी बँक व्यवस्थापक गोखले व वडनेरकर यांना वेळोवेळी समूहाच्या बैठकीला बोलावून महिलांच्या समूहातील कार्यप्रणालीची माहिती दिली त्यामुळे त्यांनी पार्डी येथील १५ स्वयंसहायता समूहांना १२ लाख रुपयाचे कर्ज मंजूर केले. महाराष्ट्र राज्य ग्रामीण जीवनोन्नती अभियान पंचायत समिती कळंब व सेन्ट्रल बँक ऑफ इंडिया शाखा कोठा यांच्या संयुक्त विद्यमानाने कोठा क्लस्टर मधील पार्डी (सावळापूर) या गावातील पंधरा स्वयंसहायता समूहांना बँक मेळावा घेऊन कर्जाचे वितरण करण्यात आले. मेळाव्याला अमोल देवलसी जिल्हा अभियान व्यवस्थापक, भूपेंद्र बाहेकर विस्तार अधिकारी व स्वयंसहायता समूहाच्या १५० महिला उपस्थित होत्या. या मेळाव्यासाठी उमेश शिंदे तालुका व्यवस्थापक, प्रतिभा बावनकर तालुका व्यवस्थापक, श्रीनिवास एसमपेल्ली पीआरपी, अर्चना भोयर, प्रीती कांबळे, लताताई गावंडे यांनी अभियानातर्फे व गोखले ,वडनेरकर यांनी बॅंकेतर्फे परिश्रम घेतले.